KIZIMBANI KWA KOSA LA UCHOCHEZI KUPITIA MTANDAO

 Image result for Mahakamani

Ofisa Mauzo wa Kampuni ya Aggrey & Clifford, Razack Hamad (26) amefikishwa Mahakama ya Hakimu Mkazi Kisutu akikabiliwa na kosa la kuchapisha taarifa za uchochezi kupitia mtandao wake wa Telegram.

Wakili wa serikali, Patrick Mwita amedai mbele ya Hakimu Mkazi, Martha Mpazi kuwa mshtakiwa anakabiliwa na kosa la kuchapisha taarifa ya uchochezi kinyume na kifungu cha 53(1)(c) na 52(1)(a) cha Sheria ya Habari Namba 12, ya mwaka 2016.

Inadaiwa mshtakiwa ametenda kosa hilo, Machi 9, mwaka huu akiwa jijini Dar es Salaam ambapo alitumia mfumo wa kompyuta katika simu yake kupitia mtandao wake wa Telegram kwa kuandika; “Nimepata wazo kwa group jingine huko tunaweza kukwepa gharama pia kuandika hata kwenye kuta za wazi #April 26 Magufuli Out, Pinga Dictator” Maneno ambayo yangeibua chuki kwa Watanzania.

Mshtakiwa amerudishwa rumande kwa kushindwa kutimiza masharti yaliyomtaka kuwa na wadhamini wawili watakaosani bondi ya Sh milioni tano. Kesi hiyo imeahirishwa hadi Mei 24, mwaka huu.

ALIKIBA AELEZA SABABU YA KUTOMPA KIGANJA DIAMOND

Image result for Alikiba na Diamond msibani

Msanii wa muziki wa Bongo Fleva, Alikiba amefunguka kuhusu namna alivyosalimiana na msanii mwenzake, Nassib Abdul au Diamond kwa kumgeuzia mkono walipokutana katika msiba wa Masogange kwenye viwanja vya Leaders Club, jijini Dar es Salaam.

Wawili hao walipokutana, Alikiba badala ya kumpa kiganja cha mkono kama ilivyozoeleka, alimpa mkono kwa kuugeuza jambo ambalo liliibua mjadala katika mitandao mbalimbali ya kijamii.

Akizungumza leo Ijumaa Mei 11, 2018 katika kipindi cha 360 kinachorushwa na kituo cha televisheni cha Clouds, ikiwa ni mara ya kwanza tangu alipofunga ndoa Aprili 19, 2018, Alikiba amesema usalimiaji ule ndio wanaotumia wanaume kusalimiana na hakuna kitu kingine. Continue reading

BODI YA MIKOPO YA WANAFUNZI WA ELIMU YA JUU (HESLB) YAANZA KUPOKEA MAOMBI YA MIKOPO 2018/2019

Bodi ya Mikopo ya Wanafunzi wa Elimu ya Juu (HESLB) leo imetangaza kuanza kupokea maombi ya mikopo ya elimu ya juu kwa muda wa miezi miwili na kusisitiza kuwa maombi yote yatapokelewa kwa njia ya mtandao.

Mkurugenzi Mtendaji wa HESLB Abdul Razaq Badru amesema leo jijini Dar es salaam wakatik akifungua rasmi kuwa mtandao wa kuwasilisha maombi ya mkopo (www.olas.heslb.go.tz) utakuwa wazi kuanzia Mei 10, 2018 hadi Julai 15, 2018 ili kuwapa fursa wanafunzi wahitaji kuwasilisha maombi yao. Continue reading

ALICHOSEMA ‘SUGU’ BAADA YA KUTOKA GEREZANI LEO

Image result for sugu jela

Mbunge wa Mbeya Mjini, Joseph Mbilinyi ‘Sugu’ na Katibu wa CHADEMA Kanda ya Nyasa, Emmanuel Masonga wameachiwa huru kutoka Gereza Kuu la Ruanda mkoani Mbeya leo Mei 10, 2018 ambapo walikuwa wanatumikia kifungo cha miezi 5.

Mwenyekiti wa CHADEMA Taifa, Freeman Mbowe amethibitisha kuachiwa kwa Viongozi hao wawili na tayari Sugu ameshafika nyumbani kwake.

Sugu na Masonga walitiwa hatiani na kuhukumiwa kifungo cha miezi mitano jela Februari 26 katika Mahakama ya Hakimu Mkazi Mbeya kwa kutoa lugha ya fedheha dhidi ya Rais John Magufuli kwenye mkutano wa hadhara walioufanya Desemba 30 mwaka jana eneo la Shule ya Msingi Mwenge jijini Mbeya.

Wawili hao wameshatumikia adhabu hiyo kwa siku 73 ikiwa ni zaidi ya robo ya kifungo chao.

ANGLIKANA KUUZA MAKANISA YAKE, SABABU HII HAPA

Kanisa la Kianglikana Tasmania lina mpango wa kuuza makanisa 78 kati ya makanisa yake 133 ili kusaidia kuwalipia walionyanyaswa kijinsi walipokuwa watoto.

Waumini wa jimbo hilo kusini mwa Australia wamekasirishwa na hatua hiyo ya kuyapoteza makanisa hayo ambayo yana zaidi ya miaka 130, lakini manusura wamesema hatua hiyo ni ujumbe muhimu wa kupata msahama kutoka kwa Mungu.

Kasisi mkuu wa Tasmania, Richard Condie amesema ‘ uchungu’ wa kuyauza makanisa hayo ni hatua ambayo itawapatia manusura wote wa unyanyasaji wa kingono haki.

Zaidi ya malalamishi ya 1,100 ya visa vya unyanyasaji wa kingono vimeripotiwa dhidi ya kanisa hilo la Australia. Madai hayo yameorodheshwa kutoka kwa mwaka wa 1980 hadi 2005  na yametajwa dhidi ya makanisa 569, yakiwajumuisha wahubiri 247.

MBUNGE ‘BWEGE’ ATAKA SERIKALI IUZE NDEGE MOJA

Mbunge wa Kilwa Kusini, Suleiman Bungara (maarufu kama ‘Bwege’), ameitaka serikali kuuza moja ya ndege zake za Bombardier zilizonunuliwa ili kutatua tatizo la maji nchini.

Pia amemtaka Spika wa Bunge, Job Ndugai kuongoza zoezi la kupiga kura ili wabunge waamue kipaumbele iwapo wanahitaji maji au ndege.

Bwege ametoa kauli hiyo leo wakati akichangija bajeti ya wizara ya maji na umwagiliaji ambapo pamoja na mambo mengine amesema tatizo si mawaziri mizigo bali ni serikali.

“Kama hakuna maji hadi 2020, CCM kwa heri kwa sababu magereza hakuna maji, lazima tutie udhu tupate maji naomba sana spika tuuze ndege tutatue tatizo la maji. Kwa kuwa uko vizuri leo piga kura wanaotaka ndege na maji tuone. Continue reading

MWIZI WA MAHINDI ALIEZUA GUMZO AFIKISHWA MAHAKAMANI

Mkazi wa Mbezi jijini Dar es Salaam, Frank Joseph amefikishwa katika Mahakama ya Mwanzo Mlandizi mkoani Pwani akishtakiwa kwa wizi wa mahindi.

Joseph ambaye tukio la kukamatwa kwake liliibua hisia na mijadala mitandaoni ikidaiwa alishindwa kutua mzigo aliodaiwa kuuiba, alisomewa shtaka jana mbele ya Hakimu Mkazi, Nabwike Mbaba.

Mshtakiwa anakabiliwa na kesi ya jinai namba 124/2018 akidaiwa kuiba mahindi debe moja yenye thamani ya Sh20,000. Baada ya kusomewa shtaka, mshtakiwa huyo alikiri kutenda kosa. Continue reading

MSUVA “NIMETUMIA SANA LUGHA YA ISHARA KUELEWANA NA WACHEZAJI WENZANGU”

Mshambuliaji wa Kimataifa wa Taifa Stars, Saimon Msuva ametimiza miezi tisa sawa na siku siku 276 tangu ajiunge na Difaa El Jadida ya Morocco ambako amekuwa gumzo katika mitaa ya Jadida na Rabat.

Msuva anasema alijipanga na changamoto za Morocco hasa kwenye Lugha kutokana na asilimia kubwa ya wakazi wa nchi hiyo kuongea Kiarabu na Kifaransa.

“Nilijisema kuwa safari hii kazi ninayo maana sikuwa najua Kiarabu wala Kifaransa, Kiingereza kuna mazingira kilikuwa kinanisaidia lakini kiukweli nimetumia sana lugha ya ishara ili kuelewana na wachezaji wenzangu”. Continue reading

Related Posts Plugin for WordPress, Blogger...
Powered by Live Score & Live Score App
403 Forbidden

403 Forbidden


nginx