Category: Habari za Kitaifa

WAWILI KUIWAKILISHA TANZANIA KWENYE MASHINDANO YA KUHIFADHI QURAN

Mstahiki Meya  wa Manispaa ya Temeke, Abdallah Chaulembo (kushoto) akikabidhi bendera ya Taifa ili kuiwakilisha nchi katika mashindano  ya 19 ya kusoma na kuhifadhi Quran tukufu Afrika.

Watanzania wawili wamekabidhiwa bendera ya Taifa ili kuiwakilisha nchi katika mashindano makubwa ya 19 ya kusoma na kuhifadhi Quran tukufu Afrika yatakayofanyika nchini.

Akikabidhi bendera hiyo Meya wa Manispaa ya Temeke, Abdallah Chaulembo, kwa wawakilishi pekee ambao ni Shujaa Sulemani kutoka Morogoro na Mbwana Dadi kutoka Pemba amesema kuwa, imezoeleka mara nyingi bendera yetu wanakabidhiwa timu za mpira, lakini leo imekuwa tofauti kwa vijana hawa kupata fursa adhimu kama hiyo.

Ametoa wito kwa Watanzania wote kufika uwanja wa taifa kwa wingi  Mei 27, mwaka huu kushuhudua mashindano hayo ambapo hakuna kiingilio chochote na mgeni rasmi anatarajia kuwa ni Waziri Mkuu Kassimu Majaliwa. Tembelea jambotz.co.tz kila siku upate habari moto moto. Tufollow Facebook, Instagram, YouTube na twitter @jambotz Continue reading

PICHA ZA MAALIM SEIF ALIVYOPOKELEWA NA MKUU WA MKOA WA MWANZA

Mkuu wa Mkoa wa Mwanza, John Mongella amepokea ugeni wa Katibu Mkuu wa Chama cha Wananchi (CUF) na Makamu wa Kwanza wa Rais Mstaafu wa Zanzibar, Maalim Seif Sharif Hammad aliyefika Ofisini kwake akiwa ziara ya kikazi Mkoani humo jana Alhamisi, Mei 24, 2018.

Tembelea jambotz.co.tz kila siku upate habari moto moto. Tufollow Facebook, Instagram, YouTube na twitter @jambotz

SUGU KUPELEKA SIRI NZITO ZA MAGEREZA BUNGENI

Image result for sugu bungeniMbunge wa Mbeya mjini, Joseph Mbilinyi ‘Sugu’ leo atatua bungeni jijini Dodoma kuungana na wabunge wenzake wanaoendelea na vikao vya Bunge la Bajeti baada ya kurejea uraiani akitokea Gereza Kuu la Ruanda alikokuwa akitumikia kifungo.

Sugu na mwenzake, Katibu wa Chadema Kanda ya Nyasa, Emmanuel Masonga walihukumiwa kifungo cha miezi mitano jela katika Mahakama ya Hakimu Mkazi-Mbeya Februari 26, baada ya kupatikana na hatia ya kutumia lugha ya fedheha dhidi ya Rais John Magufuli waliyoitoa Desemba 30, mwaka jana katika mkutano wa hadhara uliofanyika kwenye viwanja vya Shule ya Msingi Mwenge jijini Mbeya.

Sugu anasema akiwa bungeni, atawasilisha masikitiko yake juu ya maisha duni ya wafungwa gerezani ikiwamo malazi, mavazi, chakula na matibabu. Tembelea jambotz.co.tz kila siku upate habari moto moto. Tufollow Facebook, Instagram, YouTube na twitter @jambotz Continue reading

MWANAFUNZI AFARIKI BAADA YA KULIPUKIWA NA BETRI YA SIMU

Mwanafunzi wa darasa la nne wa shule ya msingi Sabasaba jijini Mwanza, Dotto Baraka (13) amefariki dunia baada ya kulipukiwa na betri ya simu aliyokuwa akiiunganisha na radio chakavu.

Katika taarifa yake kwa vyombo vya habari jana Mei 18, Kamanda wa Polisi mkoa wa Mwanza, Ahmed Msangi amesema tukio hilo limetokea Mei 17 mtaa wa Igoma Mashariki jijini Mwanza.

“Baada ya kutoka shuleni, marehemu akiwa na watoto wenzake alianza kutengeneza radio chakavu kwa kuchukua betri ya simu na kuunganisha kwenye nyanya za radio hiyo akitumia mdomo ndipo mlipuko ulipotokea na kusababisha kifo chake,” amesema Kamanda Msangi. Continue reading

UTAFITI: WANAWAKE WA RWANDA NA KENYA KUISHI MIAKA MINGI

Related image

Wanawake nchini Rwanda na Kenya ndio wanaotarajiwa kuishi muda mrefu zaidi miongoni mwa wanawake na wanaume katika nchi za Afrika Mashariki, kwa mujibu wa takwimu. Umri wa wanawake kuishi Rwanda kwa sasa ni miaka 69.3 na nchini Kenya ni miaka 69.0.

Hata hivyo, umri wa kuishi wa wanaume Uganda ndio ulioongezeka zaidi katika kipindi cha mwongo mmoja uliopita, ambapo umepanda kwa miaka 13.5.

Nchini Tanzania, umri wa kawaida wa kuishi kwa wanawake kufikia mwaka 2016 ulikuwa miaka 66, ongezeko la miaka 10 ukilinganisha na mwaka 1990 kwa mujibu wa Utafiti wa Mzigo wa Maradhi Duniani mwaka 2016, ulioratibiwa na Taasisi ya Takwimu za Afya na Utathmini. Continue reading

PROF. JAY ATABIRI ‘SUGU’ KUWA RAIS WA TANZANIA

Image result for professor jay

Mbunge wa Mikumi (Chadema), Joseph Haule ‘Profesa J’ amempongeza mbunge mwenzake wa Mbeya Mjini, Joseph Mbilinyi ‘Sugu’ kwa kuhitimisha mafunzo ya kisiasa na kusema sasa Sugu, anasubiri kuwa Rais wa Tanzania.

Profesa J ametoa utabiri huo leo Mei 11, 2018 bungeni kabla ya kuanza kuchangia kwa bajeti ya wizara ya viwanda, biashara na uwekezaji ya 2018/19, ameanza kwa kusema;

“Natoa pongezi kubwa sana kwa pacha wangu aka Sugu kwa kuhitimu mafunzo huko ndani ambayo yameongeza ujasiri na CV yake ya kisiasa na natumaini sasa hivi hatakuwa rais wa Mbeya bali anakwenda katika mchakato wa kuwa Rais wa Tanzania huko mbeleni.” Continue reading

KIZIMBANI KWA KOSA LA UCHOCHEZI KUPITIA MTANDAO

 Image result for Mahakamani

Ofisa Mauzo wa Kampuni ya Aggrey & Clifford, Razack Hamad (26) amefikishwa Mahakama ya Hakimu Mkazi Kisutu akikabiliwa na kosa la kuchapisha taarifa za uchochezi kupitia mtandao wake wa Telegram.

Wakili wa serikali, Patrick Mwita amedai mbele ya Hakimu Mkazi, Martha Mpazi kuwa mshtakiwa anakabiliwa na kosa la kuchapisha taarifa ya uchochezi kinyume na kifungu cha 53(1)(c) na 52(1)(a) cha Sheria ya Habari Namba 12, ya mwaka 2016.

Inadaiwa mshtakiwa ametenda kosa hilo, Machi 9, mwaka huu akiwa jijini Dar es Salaam ambapo alitumia mfumo wa kompyuta katika simu yake kupitia mtandao wake wa Telegram kwa kuandika; “Nimepata wazo kwa group jingine huko tunaweza kukwepa gharama pia kuandika hata kwenye kuta za wazi #April 26 Magufuli Out, Pinga Dictator” Maneno ambayo yangeibua chuki kwa Watanzania.

Mshtakiwa amerudishwa rumande kwa kushindwa kutimiza masharti yaliyomtaka kuwa na wadhamini wawili watakaosani bondi ya Sh milioni tano. Kesi hiyo imeahirishwa hadi Mei 24, mwaka huu.

BODI YA MIKOPO YA WANAFUNZI WA ELIMU YA JUU (HESLB) YAANZA KUPOKEA MAOMBI YA MIKOPO 2018/2019

Bodi ya Mikopo ya Wanafunzi wa Elimu ya Juu (HESLB) leo imetangaza kuanza kupokea maombi ya mikopo ya elimu ya juu kwa muda wa miezi miwili na kusisitiza kuwa maombi yote yatapokelewa kwa njia ya mtandao.

Mkurugenzi Mtendaji wa HESLB Abdul Razaq Badru amesema leo jijini Dar es salaam wakatik akifungua rasmi kuwa mtandao wa kuwasilisha maombi ya mkopo (www.olas.heslb.go.tz) utakuwa wazi kuanzia Mei 10, 2018 hadi Julai 15, 2018 ili kuwapa fursa wanafunzi wahitaji kuwasilisha maombi yao. Continue reading

ALICHOSEMA ‘SUGU’ BAADA YA KUTOKA GEREZANI LEO

Image result for sugu jela

Mbunge wa Mbeya Mjini, Joseph Mbilinyi ‘Sugu’ na Katibu wa CHADEMA Kanda ya Nyasa, Emmanuel Masonga wameachiwa huru kutoka Gereza Kuu la Ruanda mkoani Mbeya leo Mei 10, 2018 ambapo walikuwa wanatumikia kifungo cha miezi 5.

Mwenyekiti wa CHADEMA Taifa, Freeman Mbowe amethibitisha kuachiwa kwa Viongozi hao wawili na tayari Sugu ameshafika nyumbani kwake.

Sugu na Masonga walitiwa hatiani na kuhukumiwa kifungo cha miezi mitano jela Februari 26 katika Mahakama ya Hakimu Mkazi Mbeya kwa kutoa lugha ya fedheha dhidi ya Rais John Magufuli kwenye mkutano wa hadhara walioufanya Desemba 30 mwaka jana eneo la Shule ya Msingi Mwenge jijini Mbeya.

Wawili hao wameshatumikia adhabu hiyo kwa siku 73 ikiwa ni zaidi ya robo ya kifungo chao.

MBUNGE ‘BWEGE’ ATAKA SERIKALI IUZE NDEGE MOJA

Mbunge wa Kilwa Kusini, Suleiman Bungara (maarufu kama ‘Bwege’), ameitaka serikali kuuza moja ya ndege zake za Bombardier zilizonunuliwa ili kutatua tatizo la maji nchini.

Pia amemtaka Spika wa Bunge, Job Ndugai kuongoza zoezi la kupiga kura ili wabunge waamue kipaumbele iwapo wanahitaji maji au ndege.

Bwege ametoa kauli hiyo leo wakati akichangija bajeti ya wizara ya maji na umwagiliaji ambapo pamoja na mambo mengine amesema tatizo si mawaziri mizigo bali ni serikali.

“Kama hakuna maji hadi 2020, CCM kwa heri kwa sababu magereza hakuna maji, lazima tutie udhu tupate maji naomba sana spika tuuze ndege tutatue tatizo la maji. Kwa kuwa uko vizuri leo piga kura wanaotaka ndege na maji tuone. Continue reading

Related Posts Plugin for WordPress, Blogger...
Powered by Live Score & Live Score App
403 Forbidden

403 Forbidden


nginx